Հայաստանի արտահանման դինամիկան 2025թ․ առաջին կիսամյակում

Արտահանման հիմնական ուղղությունները շարունակում են մնալ Ռուսաստանը, Արաբական Միացյալ Էմիրությունները և Չինաստանը, սակայն բոլոր երեքի դեպքում արձանագրվել է զգալի անկում։

ՀՀ վիճակագրական կոմիտեի հրապարակած տվյալների համաձայն՝ 2025թ․ առաջին կիսամյակում Հայաստանի արտահանման ծավալը կազմել է 3.76 մլրդ դոլար։ Սա նախորդ տարվա նույն ժամանակահատվածի համեմատ նվազել է 52.8%-ով կամ շուրջ 4.2 մլրդ դոլարով։

Արտահանման հիմնական ուղղությունները շարունակում են մնալ Ռուսաստանը, Արաբական Միացյալ Էմիրությունները և Չինաստանը, սակայն բոլոր երեքի դեպքում արձանագրվել է զգալի անկում։

Առաջատար գործընկեր երկրներ

• Ռուսաստան – 1.3 մլրդ դոլար, նվազում՝ 6.16% կամ 88.4 մլն դոլար։ Ռուսաստանի բաժինը Հայաստանի արտահանման ընդհանուր ծավալում կազմում է 35.84%։
  
• ԱՄԷ – 1.09 մլրդ դոլար, նվազում՝ 70.25% կամ 2.6 մլրդ դոլար։ ԱՄԷ-ի բաժինը՝ 29.04%։
• Չինաստան – 288.3 մլն դոլար, նվազում՝ 59.64% կամ 426 մլն դոլար։ Չինաստանի բաժինը՝ 7.68%։

Հաջորդ խոշոր ուղղություններ

• Իրաք – 171 մլն դոլար, աճ՝ 95.44% կամ 83.5 մլն դոլար։ Բաժինը՝ 4.55%։
  
• Վրաստան – 77.9 մլն դոլար, աճ՝ 5.22% կամ 3.9 մլն դոլար։ Բաժինը՝ 2.08%։
• Շվեյցարիա – 77.4 մլն դոլար, աճ՝ 41.9% կամ 22.8 մլն դոլար։ Բաժինը՝ 2.06%։
• Բելառուս – 66.4 մլն դոլար, աճ՝ 26.06% կամ 13.7 մլն դոլար։ Բաժինը՝ 1.76%։
• Նիդերլանդներ – 62.4 մլն դոլար, աճ՝ 10.3% կամ 5.8 մլն դոլար։ Բաժինը՝ 1.66%։
• Գերմանիա – 53.1 մլն դոլար, նվազում՝ 77.85% կամ 23.3 մլն դոլար։ Բաժինը՝ 1.42%։
• Բելգիա – 55.4 մլն դոլար, նվազում՝ 2.36% կամ 1.3 մլն դոլար։ Բաժինը՝ 1.48%։

Վերպետական կազմավորումներ

• ԱՊՀ – արտահանման ծավալը կազմել է 1.5 մլրդ դոլար, նվազում՝ 4.79%։ ԱՊՀ-ին բաժին է ընկնում արտահանման 39.25%։
  
• ԵԱՏՄ – արտահանման ծավալը կազմել է 1.45 մլրդ դոլար, նվազում՝ 5.23%։ ԵԱՏՄ-ի բաժինը՝ 38.52%։
• Եվրամիություն – արտահանման ծավալը կազմել է 286.8 մլն դոլար, աճ՝ 1.77%։ ԵՄ-ին բաժին է ընկնում արտահանման 7.64%։

2025թ․ առաջին կիսամյակում Հայաստանի արտահանումը կտրուկ նվազել է՝ հիմնականում պայմանավորված ԱՄԷ և Չինաստան արտահանման ծավալների կրճատմամբ։ Միևնույն ժամանակ որոշ շուկաներում, ինչպես Իրաք, Շվեյցարիա և Բելառուս, արձանագրվել է աճ։ Տվյալները վկայում են արտահանման կառուցվածքային փոփոխությունների և շուկաների բազմազանեցման անհրաժեշտության մասին։