ԱԹՍ-ների համաշխարհային շուկան մինչև 2030-ը կեռապատկվի

2025-ից առևտրային ԱԹՍ-ները կանցնեն ռազմականներից և կդառնան շուկայի խոշորագույն հատվածը։

Անօդաչու թռչող սարքերի համաշխարհային շուկան մինչև 2030 թվականը գրեթե եռապատկվելու է՝ 2024 թվականի 32,2 միլիարդ դոլարից հասնելով մոտ 90 միլիարդ դոլարի։

Արդեն 2025-ին առևտրային անօդաչիները կանցնեն ռազմականներից և կդառնան շուկայի խոշորագույն հատվածը։ Նավթագազային արդյունաբերությունը համարվում է այս աճի հիմնական շարժիչ ուժը, քանի որ անօդաչիները լայնորեն կիրառվում են ստուգումների, արտանետումների վերահսկման և ծովային լոգիստիկայի գործընթացներում։ Սա թույլ է տալիս նվազեցնել մարդկային ռիսկերը վտանգավոր պայմաններում, բարձրացնել արդյունավետությունը և ապահովել էներգետիկ անվտանգության նոր մակարդակ։

Խոշոր միջազգային ընկերություններ՝ Saudi Aramco, BP, Chevron, Shell և TotalEnergies, արդեն ընդլայնում են իրենց անօդաչիների պարկը՝ խողովակաշարերի, հարթակների և պահեստների պլանային ստուգումներ իրականացնելու համար։ Միաժամանակ շարունակում են մնալ մի շարք սահմանափակումներ՝ կապված սարքերի բեռնատարողության, մարտկոցների սպասարկման ժամկետի, օրենսդրական անհամապատասխանությունների, ինչպես նաև օդային տարածքի անվտանգության և տվյալների կառավարման խնդիրների հետ։

Չնայած այս խոչընդոտներին, փորձագետները համոզված են, որ անօդաչուների դերը նավթագազային արդյունաբերության զարգացման և փոխակերպման մեջ շարունակելու է մեծանալ։