Ինչ է տեղի ունեցել․ Forbes պարբերականի հաշվարկներով՝ ԱՄՆ նախագահ Դոնալդ Թրամփի կարողությունը հասել է 7 միլիարդ դոլարի։ Սա 2.7 միլիարդ դոլարով ավելի է, քան 2024 թվականի ընտրություններում նրա հաղթանակի պահին, թեև վերջին մեկ տարում այն նվազել է մոտ 300 միլիոն դոլարով։
Ինչու է դա կարևոր․ Կարողության կտրուկ աճի հիմնական շարժիչը Սպիտակ տուն վերադառնալուց հետո կրիպտոարժութային նախագծերն ու արտասահմանյան գործարքներն են։ Այժմ նրա ակտիվների շուրջ 2.4 միլիարդ դոլարը բաժին է ընկնում կրիպտոարժույթին և իրացվելի ակտիվներին։
Ակտիվների կառուցվածքը․
Իրացվելի ակտիվներ և կրիպտո ($2.4 մլրդ)․ Ներառում է $1.9 մլրդ իրացվելի միջոցներ, $183 մլն-ի մեմքոյններ, $78 մլն-ի բաժնեմաս World Liberty Financial-ում և $233 մլն-ի USD1 ստեյբլքոյն բիզնես։
Գոլֆ-ակումբներ և առողջարաններ ($1.8 մլրդ)․ Ներառում է Mar-a-Lago-ն ($650 մլն), Trump National Doral-ը ($365 մլն) և եվրոպական 3 օբյեկտ։
Անշարժ գույք ($1.1 մլրդ)․ Նյու Յորքի, Սան Ֆրանցիսկոյի գրասենյակային համալիրներ, Trump Tower և բնակելի օբյեկտներ։
Trump Media ($1 մլրդ)․ Truth Social-ի մայր ընկերության բաժնետոմսեր։ Չնայած $1 մլրդ գնահատմանը՝ ընկերության ֆինանսները թույլ են (2025-ին՝ $3.7 մլն հասույթ և $712 մլն վնաս), ինչն էլ դարձել է տարեկան $300 մլն կորստի պատճառ։
Այլ ակտիվներ ($700 մլն)․ Լիցենզավորման և կառավարման բիզնես ($655 մլն), ինքնաթիռ, ուղղաթիռ և կենսաթոշակային ֆոնդեր։
Պարտավորությունները․ Forbes-ը հաշվառում է նաև մոտ 140 միլիոն դոլարի պարտք ($94 մլն՝ իրավական պարտավորություններ, $50 մլն՝ վարկային գիծ)։
