Հունվարի 15-ին Մարդու իրավունքների պաշտպանի խորհրդական Ռուբինա Լալայանը, ինչպես նաև ՄԻՊ աշխատակազմի միջազգային համագործակցության վարչության և հասարակայնության հետ կապերի բաժնի ներկայացուցիչները մասնակցել են «Հնդիկ աշխատանքային միգրանտների մարդու իրավունքների իրավիճակը Հայաստանում» զեկույցի քննարկմանը։
Զեկույցը պատրաստվել է «Արամինտա» կազմակերպության կողմից և նպատակ ունի ուսումնասիրել Հայաստանում Հնդկաստանի Հանրապետության քաղաքացիների աշխատանքային փորձառությունները, նրանց խոցելիության աստիճանը և մարդու իրավունքների ապահովման ընդհանուր վիճակը։
Քննարկման ընթացքում Ռուբինա Լալայանը ներկայացրել է Մարդու իրավունքների պաշտպանի կողմից իրականացված աշխատանքները՝ ուղղված աշխատավայրերում մարդու իրավունքների խախտումներին արձագանքմանը, խտրականության բացառմանը և օտարերկրացի աշխատողների իրավունքների պաշտպանությանը։
Նա ընդգծել է, որ Հայաստանում գտնվող օտարերկրացիների աշխատանքային իրավունքների պաշտպանությունը մշտապես գտնվում է Մարդու իրավունքների պաշտպանի ուշադրության կենտրոնում, և այդ նպատակով պարբերաբար կիրառվում են տարբեր գործիքակազմեր և մեխանիզմներ։
