Ինչ է կատարվել Հայաստանի ևմիջազգային տնտեսական աշխարհում։

ՏԵՂԱԿԱՆ

Հայաստանը մեծացրել է ռուսական գյուղմթերքների ներմուծումը

ՌԴ-ից ներմուծված գյուղմթերքների ընդհանուր ԵԱՏՄ հոսքում Հայաստանի մասնաբաժինը կազմել է 5%։ Ներմուծվում են՝ ցորեն, շոկոլադ, հրուշակեղեն, արևածաղկի ձեթ, թռչնամիս, խոզի միս։

Երեխայի ծնունդը հնարավոր է գրանցել առցանց hartak.am կայքում

Ծննդի գրանցումը կարելի է կատարել նույնականացման քարտով և «Ես եմ» համակարգով։ Վկայականը ուղարկվում է ծնողի էլ. հասցեին։

Հայաստանում դոլարայնացման մակարդակը պատմական նվազագույնին է՝ 34.2%

ԿԲ-ի գնահատմամբ՝ սա հանրային վստահության բարձրացման կարևոր ցուցանիշ է դրամի և ֆինանսական համակարգի կայունության նկատմամբ։

Ամառային անվադողերով վարելու համար տուգանվել է 4044 վարորդ

Նոյեմբերի 15–մարտի 31-ն ընկած ժամանակահատվածում ամառային անվադողերով երթևեկությունը ենթադրում է 5,000 դրամ տուգանք, իսկ վթարի դեպքում՝ 20,000 դրամ։

Ներդրումային ընկերությունների ակտիվներն աճել են 33.3%-ով

2025թ. հոկտեմբերին ակտիվները կազմել են 315.4 մլրդ դրամ, պարտավորությունները՝ 214 մլրդ դրամ։

ՄԻՋԱԶԳԱՅԻՆ

Թրամփը սպառնում է Մեքսիկային 5% մաքսատուրքով

Պատճառը՝ Մեքսիկայի՝ 1944-ի ջրամատակարարման համաձայնագիրն ամբողջությամբ չկատարելը։

ԱՄՆ-ը կրճատելու է Ուկրաինային ցուցաբերվող աջակցությունը

Վաշինգտոնը այլևս չի նախատեսում սեփական միջոցներով աջակցել Կիևին՝ շարունակելով միայն ՆԱՏՕ-ի շրջանակում զենքի ձեռքբերման մեխանիզմը։

Գերմանիայում արդյունաբերական արտադրանքը հոկտեմբերին աճել է 1.8%-ով

Տարեկան աճը կազմել է 0.8%։ Բարձրացում է գրանցվել էներգետիկ և շինարարական ոլորտներում։

ԱՄՆ Պետդեպը տարեսկզբից չեղարկել է 85,000 վիզա

Վիզաների կեսից ավելին չեղարկվել է իրավախախտումներ կատարած օտարերկրացիների մոտ (ովկիան վարում, հարձակումներ, գողություններ)։