Ինչ է կատարվել Հայաստանի և միջազգային տնտեսական աշխարհում

ՏԵՂԱԿԱՆ

«ՏաԹևեր» ճոպանուղին կրկին հաղթել է World Travel Awards մրցանակաբաշխությունում

Չորրորդ անգամ ճանաչվել է «աշխարհի առաջատար ճոպանուղի»՝ գերազանցելով Բոլիվիայի, Բրազիլիայի, Վիետնամի, Կանադայի, Նոր Զելանդիայի, ԱՄՆ-ի ու ՀԱՀ-ի մրցակիցներին։

Հայաստանում սննդամթերքի գնաճը՝ 10 ամիսում 5.2%

Ամենաշատը թանկացել են․

• Ձուկ – +18․3%

• Բանջարեղեն – +14․6%

• Սուրճ, թեյ – +13․9%

• Միրգ – +7․8%
  Էժանացած են միայն շաքարավազը (–5.3%) և կաթնամթերք/պանիր/ձու խմբերը (–1.6%)։

Կառավարությունը նախատեսում է գործատուներին բաժանել «բարեխիղճ» և «ոչ բարեխիղճ» խմբերի

Թաքնված աշխատողներ ունեցող ընկերությունները կներառվեն «ոչ բարեխիղճ» կարգում։ Նախաձեռնությունն այժմ քննարկման փուլում է։

Վրաստանը համաձայնել է Ադրբեջանից Հայաստան վառելիքի անվճար տարանցմանը

Նախկինում շրջանառվում էր տեղեկություն, որ վրացական կողմը պահանջել է 92 դոլար մեկ տոննայի դիմաց։

Արգելափակվել են Hellobit ֆինանսական բուրգի կայքերը՝ hellobitamh.com և hellobitarmenia.com

Կիբեռոստիկանությունը հայտնում է, որ կայքերը փակվել են՝ քաղաքացիների մոլորեցումն ու ֆինանսական վնասները կանխելու նպատակով։

ՄԻՋԱԶԳԱՅԻՆ

ՌԴ–Հնդկաստան առևտրաշրջանառությունը կարող է ավելի շուտ հասնել 100 մլրդ դոլարի

Մոդիի խոսքով՝ սկսվել են նաև Հնդկաստան–ԵԱՏՄ ազատ առևտրի գոտու շուրջ բանակցությունները։

Թրամփը կքննարկի Netflix–Warner Bros. 72 մլրդ դոլարանոց միաձուլումը

Նա մտահոգություն է հայտնել, որ միաձուլումը կարող է մրցակցության խնդիր ստեղծել շուկայում։

Հոկտեմբերին չիպերի համաշխարհային վաճառքը աճել է 27.2%-ով

Աճի հիմնական աղբյուրը՝ ԱՄՆ և Ասիա-Խաղաղօվկիանոսյան տարածաշրջանների շուկաները։

Tesla-ն Եվրոպայում սկսել է Model 3-ի ավելի մատչելի նոր տարբերակի վաճառքը

Ընկերությունը փորձում է խթանել պահանջարկը՝ Եվրոպայում պատվերների անկման ֆոնին։