Դեկտեմբերի 22-ի բիզնես լուրերը

Ինչ է կատարվել Հայաստանի և միջազգային տնտեսական աշխարհում

ՏԵՂԱԿԱՆ ԼՈՒՐԵՐ

Ինչպիսին կլինեն դոլարի փոխարժեքը և գնաճի մակարդակը Հայաստանում 2026 թվականին ԵԱԶԲ կանխատեսում
Եվրասիական զարգացման բանկի վերլուծաբանների կանխատեսմամբ՝ 2026 թվականին Հայաստանի տնտեսական աճը կմնա բարձր՝ 5.3 տոկոս։ Աճը կխթանվի ներքին սպառողական և ներդրումային պահանջարկով, բարձր խնայողություններով և վարկավորման աճով։ Դրամի տարեկան միջին փոխարժեքը կանխատեսվում է մոտ 393 դրամ մեկ դոլարի դիմաց՝ ներմուծման աճի պայմաններում։

Հայաստանն ու Եգիպտոսը քննարկել են գյուղատնտեսության ոլորտում համագործակցության հեռանկարները
Էկոնոմիկայի նախարար Գևորգ Պապոյանը Եգիպտոսում հանդիպել է գյուղատնտեսության նախարար Ալաա Ֆարուկի հետ։ Քննարկվել են գյուղատնտեսության և ագրոարդյունաբերության ոլորտներում ներդրումային հնարավորությունները՝ Հայաստանում արտադրական հզորությունների ընդլայնման և արտահանման ուղղությամբ։

Երևանի ներհամայնքային տրանսպորտում տուգանվել է ավելի քան 1470 անձ
Օգոստոսից իրականացված հսկողության արդյունքում տուգանվել է ավելի քան 1470 քաղաքացի։ Տուգանքների մեծ մասը վերաբերում է առանց տոմսի երթևեկելուն, ինչպես նաև վճարային միջոց ունենալու, սակայն այն չվավերացնելու դեպքերին։

2025-ի առաջին կիսամյակում Հայաստանից ոսկու արտահանումը կտրուկ նվազել է
2025 թվականի առաջին կիսամյակում ոսկու արտահանումը կազմել է 1.02 մլրդ դրամ՝ նախորդ տարվա համեմատ նվազելով 75.3 տոկոսով։ Ընդհանուր արտահանման ծավալը նույնպես զգալի անկում է գրանցել։

ՀՀ բանկերում սպասարկվող հաճախորդների թիվը գերազանցել է 5.37 միլիոնը
2025 թվականի սեպտեմբերի դրությամբ Հայաստանի առևտրային բանկերում սպասարկվել է ավելի քան 5.37 միլիոն հաճախորդ, ինչը նախորդ տարվա համեմատ աճել է մոտ 9 տոկոսով։

ՄԻՋԱԶԳԱՅԻՆ ԼՈՒՐԵՐ

Իսրայելի կառավարությունը հաստատել է 19 նոր հրեական բնակավայրի կառուցման ծրագիրը
Իսրայելում հաստատվել է ևս 19 նոր բնակավայրի կառուցման ծրագիր։ Վերջին տարիներին նոր բնակավայրերի ընդհանուր թիվը հասել է 69-ի՝ դառնալով ռեկորդային ցուցանիշ։

Ճապոնիան պատրաստվում է վերագործարկել աշխարհի ամենամեծ ատոմակայանը
Ֆուկուսիմայի աղետից մոտ 15 տարի անց Ճապոնիան որոշել է վերագործարկել Կաշիվազակի Կարիվա ատոմակայանը, որի հզորությունը բավարար է մի քանի միլիոն բնակարան էլեկտրաէներգիայով ապահովելու համար։

Ռուսաստանի Կենտրոնական բանկը կրկին իջեցրել է հիմնական տոկոսադրույքը
ՌԴ ԿԲ-ն հինգերորդ անգամ անընդմեջ իջեցրել է հիմնական տոկոսադրույքը՝ միաժամանակ պահպանելով խիստ դրամավարկային քաղաքականություն՝ գնաճը վերահսկելու նպատակով։

Բունդեսբանկը կանխատեսում է Գերմանիայի տնտեսության համեստ աճ
Գերմանիայի Կենտրոնական բանկը ակնկալում է, որ 2025 թվականին երկրի տնտեսությունը կաճի 0.2 տոկոսով՝ երկու տարվա ստագնացիայից հետո։