Դեկտեմբերի 15-ի բիզնես լուրերը

Ինչ է կատարվել Հայաստանի և միջազգային տնտեսական աշխարհում։

ՏԵՂԱԿԱՆ ԼՈՒՐԵՐ

2025-ի դեկտեմբերի 1-ի դրությամբ աշխատանք փնտրողների թիվը կազմել է 53.6 հազար մարդ
Տարածքային կենտրոններում հաշվառված աշխատանք փնտրողների թիվը դեկտեմբերի 1-ի դրությամբ կազմել է 53.6 հազար։ Աշխատանքի է տեղավորվել 10072 անձ, որոնցից 4123-ը՝ ուղեգրերի միջոցով։

Չենք պատրաստվում բարձրացնել կենսաթոշակային տարիքը
Աշխատանքի և սոցիալական հարցերի նախարար Արսեն Թորոսյանը հերքել է լուրերը կենսաթոշակային տարիքի բարձրացման վերաբերյալ։ Ներկայում կենսաթոշակի իրավունք ունեն 63 տարեկան և առնվազն 10 տարվա աշխատանքային ստաժ ունեցող անձինք։

Պետական տարածքների վաճառքը կկատարվի էլեկտրոնային եղանակով
Պետությանը և համայնքներին պատկանող հողերի վաճառքն ու օտարումն այսուհետ պարտադիր կլինի իրականացնել էլեկտրոնային եղանակով՝ շուկայական արժեքով։

Էլեկտրոնային տոմսերի միասնական համակարգին կմիանան ևս 18 թանգարաններ
ԿԳՄՍՆ ենթակայությամբ գործող ևս 18 մասնաճյուղ-թանգարան կմիանան էլեկտրոնային տոմսերի միասնական համակարգին՝ ապահովելով հաշվետվողականություն և ֆինանսական հոսքերի վերահսկում։

Անշարժ գույքի շուկայում հոկտեմբերին կատարվել է 22 հազար 738 գործարք
2025 թվականի հոկտեմբերին Հայաստանում անշարժ գույքի շուկայում գործարքների թիվը աճել է՝ համեմատ նախորդ տարվա նույն ամսվա հետ։

ՄԻՋԱԶԳԱՅԻՆ ԼՈՒՐԵՐ

Չինաստանի տնտեսությունը դանդաղում է
2025 թվականի նոյեմբերին Չինաստանում արդյունաբերական արտադրության աճը կազմել է 4.8 տոկոս՝ ցածր կանխատեսված ցուցանիշից։

Սինգապուրը առաջատար է կրիպտոարժույթային գործարքների քանակով
World Crypto Rankings 2025 զեկույցի համաձայն՝ Սինգապուրը գլխավորում է աշխարհում կրիպտոարժույթային գործարքների քանակով։

Վրաստանի խորհրդարանն ընդունել է 2026 թվականի պետական բյուջեն
Վրաստանի 2026 թվականի պետական բյուջեն կազմել է 30 միլիարդ 760 միլիոն լարի՝ հարկային մուտքերի աճի կանխատեսմամբ։

Լուվրի թանգարանը չի բացվել գործադուլի պատճառով
Փարիզի Լուվրի թանգարանը փակ է մնացել աշխատակիցների կողմից հայտարարված անժամկետ գործադուլի պատճառով՝ աշխատանքային պայմանների վատթարացման ֆոնին։