Ինչ է կատարվել Հայաստանի և միջազգային տնտեսական աշխարհում

ՏԵՂԱԿԱՆ

Զգուշացե՛ք. նոր ֆինանսական բուրգ է տարածվում՝ djialgeriai

Կիբեռոստիկանությունը տեղեկացնում է, որ գումար ներդնելու առաջարկները դռոնների ոլորտում ֆինանսական բուրգ են և կրկնօրինակում են «CityBike» սխեման։ Եկամուտը ձևավորվում է միայն նոր ներգրավվածների ներդրումներից։

Հայաստանում 10 ամսում իրականացվել է 551 մլրդ դրամի շինարարություն

Շինարարությունն աճել է 20.6%-ով։ Պետբյուջեով իրականացվել է 145.2 մլրդ դրամի շինարարություն, բնակչության միջոցներով՝ 120.1 մլրդ դրամ։

Ցեմենտի արտադրությունը նվազել է 11.2%-ով

2025-ի հունվար–հոկտեմբերին արտադրվել է 771.2 հազար տոննա ցեմենտ։ Ցուցանիշն անկում է ցույց տալիս՝ նախորդ տարվա համեմատ։

Վարչապետ Փաշինյանը հանդիպել է գերմանացի գործարարների հետ Բեռլինում

Ներկայացվել են Հայաստանի տնտեսական հնարավորությունները, ներդրումային միջավայրը և համատեղ նախագծերի հեռանկարները։

Հայաստանում էլեկտրաէներգիայի արտադրությունը աճել է 7.9%-ով

Արտադրվել է 8,156.9 մլն կՎտ․ժ։

• ՀԷԿ-երի արտադրություն՝ +15.5%

• ՋԷԿ-երի արտադրություն՝ -11.9%

ՄԻՋԱԶԳԱՅԻՆ

ԱՄՆ-ը կարող է պահանջել սոցիալական ցանցերի տվյալներ մուտքի պահին

Թրամփի վարչակազմը նախատեսում է պարտադրել զբոսաշրջիկներին ներկայացնել 5 տարվա սոցիալական ցանցերի տվյալներ, էլ․ փոստեր, հեռախոսահամարներ և ընտանիքի անդամների տվյալներ։

Թրամփը թույլ կտա Nvidia-ին H200 չիպեր մատակարարել Չինաստանին

Առաքումները կհաստատվեն միայն «ստուգված հաճախորդներին» և ազգային անվտանգության վերահսկողության շրջանակում։

Amazon-ը մինչև 2030-ը 35 մլրդ դոլար կ ներդնի Հնդկաստանում

Ներդրումները ուղղվելու են լոգիստիկ ենթակառուցվածքին, ԱԲ տեխնոլոգիաներին և նոր տվյալների կենտրոնների կառուցմանը։ Սպասվում է 1 մլն նոր աշխատատեղ։

Լատվիան 2026-ին 2 միլիարդ եվրոյից ավելի կծախսի պաշտպանական նպատակներով

Ծրագրերը ներառում են հակաօդային պաշտպանության համակարգերի, մարտական մեքենաների և զինամթերքի ձեռքբերում։