Databricks-ը պատրաստվում է նոր ներդրումային փուլի՝ ավելի քան 100 միլիարդ դոլար գնահատմամբ

Ընկերության գլխավոր գործադիր տնօրեն և համահիմնադիր Ալին Գոդսին ընդգծել է, որ այս փուլում ներդրողների հետաքրքրությունը գերազանցել է սպասելիքները։

ԱՄՆ-ում գործող արհեստական բանականության վրա հիմնված ծրագրային ապահովում մշակող Databricks Inc. ընկերությունը համաձայնեցրել է ներդրումային նոր ռաունդի պայմանները։ Ընկերության գնահատված արժեքը հասել է ավելի քան 100 միլիարդ դոլարի, ինչը կարևոր նշաձող է ԱԲ ոլորտում։ Ռաունդի փակումը նախատեսվում է մոտ ժամանակում։

Չնայած ներդրումների ճշգրիտ չափը դեռ չի հրապարակվել, հայտնի է, որ դրանք ուղղվելու են մի քանի հիմնական ուղղությամբ․

• ԱԲ ռազմավարության իրականացման արագացում,
• նոր ակտիվների ձեռքբերում,
• հետազոտությունների խորացում։

Ընկերության գլխավոր գործադիր տնօրեն և համահիմնադիր Ալին Գոդսին ընդգծել է, որ այս փուլում ներդրողների հետաքրքրությունը գերազանցել է սպասելիքները։

2023 թվականի դեկտեմբերին Databricks-ը ներգրավել էր 10 միլիարդ դոլար, գնահատվելով 62 միլիարդ դոլար։ Այդ փուլին մասնակցել էին առաջատար ներդրումային ընկերություններ, ներառյալ Thrive Capital, Andreessen Horowitz, DST Global, GIC, Insight Partners, ICONIQ Growth, Ontario Teachers’ Pension Plan և Wellington Management։

Այսօր Databricks-ի վերլուծական հարթակը օգտագործում են ավելի քան 15 հազար կազմակերպություններ, որոնց թվում են Block, Comcast, Conde Nast, Rivian և Shell ընկերությունները։ Վերջին ամիսներին ընկերությունը նաև խորացրել է համագործակցությունը խոշոր տեխնոլոգիական գործընկերների հետ, ներառյալ Microsoft, Google Cloud, Anthropic, SAP և Palantir։