Դալան տեխնոպարկը` ուշադրության առանցքում

Դալան Տեխնոպարկը նախագծերի կառավարման աշխարհահռչակ մասնագետների ուշադրության կենտրոնում է։

Օրերս Տեխնոպարկի շինհրապարակ էին այցելել PMI Հայաստանի թիմը և Պիեր Լե Մանը՝ Project Management Institute-ի նախագահն ու գլխավոր գործադիր տնօրենը։ 

Այցի ընթացքում Դալան Տեխնոպարկի գործառնական տնօրեն Հայկ Տեր Տաճատյանը և թիմի անդամները խոսեցին նախագծի բազմաշերտության մասին, ընդգծեցին միջազգային ստանդարտներով աշխատատեղեր ստեղծելու կարևորությունը։ 

Դալան Տեխնոպարկը համարվում է Հայաստանի կառուցապատման ոլորտի եզակի նախագիծ, որը պրոյեկտների կառավարման տեսանկյունից առանձնանում է կիրառվող մեթոդներով, գործիքակազմով և կառավարման մշակույթով։

Նախագծի ամբողջական կառավարումն իրականացնում է 1SQ Estate Development ընկերությունը, որն առաջինն էր  Հայաստանի կառուցապատման ոլորտում, որ դեռևս 2018թ-ին ներդրեց կառուցապատման նախագծերի կառավարման գաղափարը և զարգացնելով այն տարիների ընթացքում, այսօր արդեն կառավարում է երկրի ամենամասշտաբային նախագծերից մեկը և ներկայացնում այն միջազգային հանրությանը։ 

Դալան Տեխնոպարկը ոչ միայն կառուցապատման ոլորտի խոշոր և նշանակալի ներդրումային նախաձեռնություն է, այլև նախագծերի պրոֆեսիոնալ կառավարման առաջատար օրինակ։ Նման այցերը հնարավորություն են տալիս Հայաստանի փորձը ներկայացնելու միջազգային համայնքին և խթանելու մասնագիտական երկխոսությունը։

*գովազդ