ԱՄՆ-ում հանցագործությունը բացահայտվել է՝ հանցագործի` ChatGPT-ին մեղքը խոստովանելու արդյունքում

Ուսանողը ձերբակալվել է և մեղադրվել գույքը դիտավորյալ վնասելու մեջ։

ԱՄՆ Միսսուրի նահանգում ոստիկանությունը ձերբակալել է 19-ամյա ուսանող Ռայան Շեֆերին, ով մեղադրվում է տրանսպորտային միջոցներին լայնածավալ վնաս հասցնելու մեջ, այս մասին փոխանցում է gazeta.ru-ն:

Սփրինգֆիլդի ոստիկանության տվյալներով՝ միջադեպից անմիջապես հետո երիտասարդը ChatGPT-ի հետ նամակագրության մեջ խոստովանել է կատարածը եւ հետաքրքրվել, թե ինչպես խուսափել պատասխանատվությունից:

Հետաքննությունը պարզել է, որ գիշերվա ժամը 3-ի սահմաններում Շեֆերը կոտրել է ապակիները, պոկել հայելիները, վնասել կապոտներն ու կոտրել 17 մեքենաների դիմապակու մաքրիչները:

Տեսախցիկների տեսագրությունները ներկայացնելիս նա հայտարարել է, որ տեսանյութում «նմանություն է նկատել»  իր և կասկածյալի միջև, որից հետո համաձայնվել է ստուգել iPhone-ը:

Սմարթֆոնների տվյալների վերլուծությունը հաստատել է Շեֆերի ներկայությունը դեպքի վայրում։ Ավելին, չաթբոտի հետ նամակագրության մեջ նա խոստովանել է կատարած գործողությունները՝ նշելով, որ նախկինում արդեն իսկ խուսափել է նմանատիպ միջադեպից։

Զրույցի ընթացքում նրա վարքագիծը ագրեսիվից փոխվել է ավելի հանգիստի, սակայն նամակագրության մեջ գրանցվել են նաև այլ անձանց ուղղված սպառնալիքներ։

Ուսանողը ձերբակալվել է և մեղադրվել գույքը դիտավորյալ վնասելու մեջ։