Մեծ Բրիտանիայի թագավոր Չարլզ III-ը սեպտեմբերի 17-ին Շոտլանդիայի Դամֆրիս-հաուս առանձնատանը հանդիպել է տեխնոլոգիական ոլորտի խոշորագույն ներկայացուցիչների հետ՝ կոչ անելով անել ամեն ինչ, որպեսզի մարդկությունը չկորցնի իր ճակատագրի նկատմամբ վերահսկողությունը:
Առանցքային ուղերձները.
Տագնապներ և անհանգստություն. Միապետի խոսքով՝ արհեստական բանականության (ԱԲ) զարգացման բովանդակությունն ու տեմպերը խոր անհանգստություն են առաջացնում հասարակության շրջանում, որն ակնկալում է հավաստիացումներ ոլորտի պատասխանատուներից:
Ապագա սերունդների պատասխանատվությունը. Չարլզ III-ն ընդգծել է, որ այս բեկումնային շրջանում կայացվող որոշումները կհստակեցնեն ապագա աշխարհի դեմքը․ «Ձեր առջև ծառացած խնդիրը ոչ միայն տեխնոլոգիաներ զարգացնելն է, այլև երաշխավորելը, որ դրանք ծառայելու են մարդկության, հասարակության և բնության շահերին»:
Բարձրաստիճան հյուրեր. Հանդիպմանը հրավիրվածների թվում են Nvidia-ի գործադիր տնօրեն Ջենսեն Հուանգը, Google DeepMind-ի ղեկավար Դեմիս Հասաբիսը, IonQ-ի ղեկավար Նիկոլո դե Մասին և ԱԲ հարցերով Վատիկանի խորհրդական Պաոլո Բենանտին:
