Շարունակվում է երեխաներ ունեցող ընտանիքների բնակարանային աջակցության ծրագրի դիմումների ընդունումը

Երեխա ունեցող ընտանիքների բնակարանային ապահովման պետական աջակցության ծրագրի շրջանակում դիմումների ընդունման գործընթացը շարունակվում է։ Այս մասին հայտնում են ՀՀ աշխատանքի և սոցիալական հարցերի նախարարությունից։

2026 թվականի ընթացքում արդեն աջակցություն է ստացել 561 շահառու, իսկ վճարված գումարը կազմել է շուրջ 492 մլն դրամ։

Ծրագրի մեկնարկից մինչ օրս աջակցություն է ստացել 15 745 շահառու, ընդհանուր վճարված գումարը կազմել է շուրջ 11,6 մլրդ դրամ։

Հիշեցնենք, որ ծրագրի շրջանակում պետության կողմից միանվագ դրամական աջակցություն է տրամադրվում՝

• մարզային բնակավայրերում բնակարան ձեռք բերելու կամ բնակելի տուն կառուցելու դեպքում,

• հիփոթեքային վարկ մարող ընտանիքում երեխա ծնվելու դեպքում։

Ծրագրի նպատակն է խթանել ընտանիքների բնակարանային ապահովվածությունը և աջակցել երեխաներ ունեցող ընտանիքներին սոցիալական կայունության ապահովման հարցում։