Կոլիզեումի գաղտնի անցումը, որն օգտագործվում էր միայն կայսրերի կողմից, բացվել է զբոսաշրջիկների համար

Հնագետները հայտնել են Կոլիզեումի տակ գտնվող հնագույն ստորգետնյա անցուղու վերականգնման ավարտի մասին:

Հնագետները հայտնել են Կոլիզեումի տակ գտնվող հնագույն ստորգետնյա անցուղու վերականգնման ավարտի մասին, որը, ինչպես պարզվել է, գաղտնի ելք է ծառայել հռոմեական կայսրերի համար, գրում է Daily Mail-ը։

Հետազոտողների կարծիքով՝ հենց այս թունելով էին Հին Հռոմի կառավարիչները կարողանում աննկատ լքել ասպարեզը գլադիատորական մարտերից հետո։

Մոտ 55 մետր երկարությամբ գաղտնի միջանցքը փորվել է Մ.թ. 1 -ին և 2-րդ դարերի ընթացքում Կոլիզեումի հիմքում՝ ամֆիթատրոնի կառուցումից տասնամյակներ անց։ Այսօր, երկար տարիների վերականգնումից հետո, այն առաջին անգամ բաց է հանրության համար: