Քաղաքացիներն արդեն թոշակները ստանում են բարձրացված չափերով․ ինչպես ստանալ բանկային քարտերը

Չհանձնված քարտերի առաքումը նախատեսվում է շարունակել առաջիկա օրերին։

Աշխատանքի և սոցիալական հարցերի նախարարությունը հայտնում է, որ մեկնարկել է ապրիլ ամսվա կենսաթոշակների և նպաստների վճարման գործընթացը։

Վճարումները կատարվում են ապրիլի 1-ից՝ արդեն բարձրացված չափերով և բացառապես անկանխիկ եղանակով։

Նախարարությունից նշում են, որ մինչև ապրիլի 1-ը հենաշարժական և այլ խնդիրներ ունեցող քաղաքացիների մեծ մասի համար բանկային քարտերի առաքումն արդեն իրականացվել է։ Միաժամանակ կան քաղաքացիներ, որոնց հետ կապ հաստատել չի հաջողվել, ինչի հետևանքով քարտերը դեռ չեն հանձնվել։

Այն քաղաքացիները, որոնք չեն ստացել իրենց բանկային քարտերը, կարող են կապ հաստատել 114 զանգերի կենտրոնի հետ կամ տվյալները ուղարկել [email protected] էլեկտրոնային հասցեին՝ նշելով հետադարձ կապի միջոցը։

Չհանձնված քարտերի առաքումը նախատեսվում է շարունակել առաջիկա օրերին։

Փոփոխությունը կապված է սոցիալական վճարումների ամբողջական անկանխիկացման գործընթացի հետ, որը նպատակ ունի բարձրացնել վճարումների թափանցիկությունն ու հասանելիությունը։