ՆԳՆ-ն հայտնում է, որ Շենգավիթի բաժնի համայնքային ոստիկանները, իրացնելով ստացված օպերատիվ տեղեկությունները, Նոյեմբերյանի բաժնի ծառայողների հետ համատեղ իրականացրած միջոցառումների արդյունքում դեկտեմբերի 27-ին Բագրատաշենի սահմանային վերահսկողության բաժնում հայտնաբերել և ձերբակալել են 52-ամյա քաղաքացու։
Տղամարդը 2011 թվականից հետախուզվում էր գողություն կատարելու մեղադրանքով։ Նրա նկատմամբ կիրառված խափանման միջոցը կալանքն է։
Ձերբակալվածը, ինչպես նաև կազմված փաստաթղթերը ներկայացվել են Շենգավիթի քննչական բաժին։
