Չինաստանի ներդրումների ծավալը ԱՄՆ գանձապետական պարտատոմսերում նվազել է մինչև 618 մլրդ դոլար՝ հասնելով 2008 թվականի օգոստոսից ի վեր ամենացածր ցուցանիշին։ Պեկինն այժմ ԱՄՆ-ի երրորդ խոշորագույն վարկատուն է՝ զիջելով Ճապոնիային և Մեծ Բրիտանիային։
Պատմական համատեքստ. Չինաստանի ներդրումների պիկը գրանցվել էր 2013 թվականի նոյեմբերին՝ գերազանցելով 1.3 տրլն դոլարը։
Ռազմավարության փոփոխություն. Պեկինը հետևողականորեն վերաբաշխում է իր պահուստները՝ դրանք ուղղելով ոսկու և ԱՄՆ պետական գործակալությունների ակտիվներին։
Ինչու է դա կարևոր Գործընթացը կտրուկ արագացել է 2022 թվականին Ռուսաստանի ակտիվների սառեցումից հետո։ Չինաստանը ձգտում է ապահովագրել իր ֆինանսական ակտիվները և նվազեցնել կախվածությունը ամերիկյան տնտեսությունից, ինչի վրա ազդում են նաև ԱՄՆ բյուջեի զգալի դեֆիցիտը, Չինաստանում առկա դեֆլյացիոն ճնշումը և տնտեսական աճի դանդաղումը։
FT-ի փոխանցմամբ՝ Չինաստանի կողմից կուտակված պարտքի հարցը շարունակում է զգայուն թեմա մնալ նախագահ Դոնալդ Թրամփի համար։
