Չինաստանը ՇՀԿ գագաթնաժողովը կանցկացնի Տյանցզինում օգոստոսի 31-ից սեպտեմբերի 1-ը. հրավիրված է վարչապետ Փաշինյանը

ՇՀԿ ամենամյա գագաթնաժողովը Չինաստանում կանցկացվի հինգերորդ անգամ։

Ավելի քան 20 երկրների և 10 միջազգային կազմակերպությունների ղեկավարներ կմասնակցեն Շանհայի համագործակցության կազմակերպության (ՇՀԿ) գագաթնաժողովին և դրա հետ կապված միջոցառումներին կենտրոնական ենթակայության Տյանցզին քաղաքում (Հյուսիսային Չինաստան)։

ՇՀԿ Տյանցզինի գագաթնաժողովը կանցկացվի օգոստոսի 31-ից սեպտեմբերի 1-ը։ ՇՀԿ ամենամյա գագաթնաժողովը Չինաստանում կանցկացվի հինգերորդ անգամ։

ՉԺՀ նախագահ Սի Ծինփինը կնախագահի ՇՀԿ անդամ պետությունների ղեկավարների խորհրդի 25-րդ նիստը, ինչպես նաև «ՇՀԿ պլյուս» հանդիպումը՝ հանդես գալով հիմնական զեկույցներով, ուրբաթ օրը հայտնել է Արտաքին գործերի նախարարության ներկայացուցիչը։

Գագաթնաժողովի շրջանակներում նախագահ Սի Ծինփինը պաշտոնական ընթրիք կմատուցի առաջնորդների համար և երկկողմ հանդիպումներ կանցկացնի ներկա ղեկավարների հետ, նշել է ԱԳՆ ներկայացուցիչը։

Հրավերով գագաթնաժողովին կմասնակցեն Հայաստանի վարչապետ Նիկոլ Փաշինյանը, ինչպես նաև Ադրբեջանի նախագահ Իլհամ Ալիևը։

ՀՀ վարչապետ Նիկոլ Փաշինյանը մասնակցելու է Շանհայի համագործակցության կազմակերպության գագաթնաժողովին: Այս մասին լրատվամիջոցներին հայտնել է ՀՀ վարչապետի մամուլի քարտուղար Նազելի Բաղդասարյանը։