Չինաստանը պատրաստվում է ներդնել յուանով ամրագրված ստեյբլքոյն

Ստեյբլքոյնների ներդրման ծրագրի շուրջ քննարկումները ընթացքի մեջ են երկրի բարձրագույն ղեկավարության մակարդակով։

Չինաստանի կառավարությունը քննարկում է յուանով ամրագրված ստեյբլքոյնների օրինականացումը՝ երկրի ազգային արժույթի միջազգային օգտագործումն ընդլայնելու նպատակով։

Եթե նախաձեռնությունը հաստատվի, սա կլինի արմատական շրջադարձ Պեկինի նախկին հակաքրիպտո քաղաքականության մեջ․ 2021-ին Չինաստանը արգելել էր թե՛ կրիպտոարժույթների առևտուրը, թե՛ դրանց մայնինգը։

Ստեյբլքոյնների ներդրման ծրագրի շուրջ քննարկումները ընթացքի մեջ են երկրի բարձրագույն ղեկավարության մակարդակով։ Ակնկալվում է, որ մինչև օգոստոսի վերջ կհաստատվի ճանապարհային քարտեզ՝ ներառյալ միջազգային շուկաներում յուանի օգտագործման թիրախային ցուցանիշները, վերահսկողության մեխանիզմները և ռիսկերից ապահովագրվելու ուղեցույցները։

Այս քայլը դիտարկվում է նաև որպես պատասխան ԱՄՆ նախագահ Դոնալդ Թրամփի՝ ստեյբլքոյններին աջակցող օրենսդրական քաղաքականությանը։

Աղբյուրը՝ Reuters