Չինաստանը կառուցում է արհեստական բանականության տվյալների ստորջրյա կենտրոն

223 միլիոն դոլար արժողությամբ նախագիծն իրականացնում է Hailanyun ընկերությունը:

Չինաստանում սկսվել է արհեստական բանականություն աշխատանքի համար նախատեսված աշխարհում առաջին ստորջրյա տվյալների կենտրոնի շինարարությունը: Նոր օբյեկտը կառուցվում է Շանհայի ափից մոտ 10 կիլոմետր հեռավորության վրա և գրեթե ամբողջությամբ կաշխատի քամու էներգիայով, հաղորդում է Live Science-ը:

223 միլիոն դոլար արժողությամբ նախագիծն իրականացնում է Hailanyun ընկերությունը: Առաջին փուլը ներառում է 198 սերվերային շարք, որը համարժեք է արհեստական բանականության մոտավորապես 792 սերվերի: Կենտրոնի շահագործման հանձնումը նախատեսված է սեպտեմբերին: Մշակողների խոսքով՝ տվյալների կենտրոնի հզորությունը բավարար է GPT-3.5 մոդելի ուսումնական մակարդակի աշխատանքը 24 ժամում կատարելու համար:

Նոր օբյեկտի հիմնական առավելություններից մեկը սարքավորումների սառեցման համար ծովի ջրի օգտագործումն է: Hailanyun-ի խոսքով՝ սա թույլ է տալիս էներգիայի սպառումը կրճատել առնվազն 30%-ով՝ համեմատած ցամաքային տվյալների կենտրոնների հետ:

Մասնագետները զգուշացնում են ծովային էկոհամակարգերի համար հնարավոր ռիսկերի և, միևնույն ժամանակ, ստորջրյա օբյեկտների արտաքին հարձակումների նկատմամբ հնարավոր խոցելիության մասին: Hailanyun-ը պնդում է, որ շրջակա միջավայրի վրա ազդեցությունը նվազագույնի է հասցվել: