«Ցե-Կվադրատ Ամպեգա»-ն հրապարակել է 2025-ի երկրորդ եռամսյակի արդյունքները

«Ցե-Կվադրատ Ամպեգա»-ն հրապարակել է 2025-ի երկրորդ եռամսյակի արդյունքները

2025 թվականի երկրորդ եռամսյակում «Ցե-Կվադրատ Ամպեգա» ընկերության կողմից կառավարվող կենսաթոշակային ֆոնդերը գրանցել են հետևյալ եկամտաբերությունները․

• Կայուն եկամտային ֆոնդ (CQFIX)՝ 1.6%
• Պահպանողական ֆոնդ (CQCON)՝ 3.4%
• Հավասարակշռված ֆոնդ (CQBAL)՝ 4.3%

Եռամսյակի ավարտին ֆոնդերի ընդհանուր ակտիվները կազմել են 595 միլիարդ դրամ, որից 145 միլիարդը ձևավորվել է ներդրումային կառավարման արդյունքում։

Ֆոնդերի ստեղծման պահից միջին տարեկան եկամտաբերությունը կազմել է 8.0%-ից 8.1%, իսկ վերջին հինգ տարիներին՝ 4.9%-ից 6.6%։

Տեղական ներդրումներից առավել բարձր եկամտաբերություն են ապահովել կորպորատիվ պարտատոմսերը և բանկային ավանդները։ Արտասահմանյան պորտֆելում առավել արդյունավետ են եղել բաժնետոմսային ներդրումները։

Դրամի արժևորման հետևանքով արտարժույթով ներդրումները եռամսյակի ընթացքում նվազեցրել են ֆոնդերի եկամտաբերությունը միջինում 0.1%-0.5%-ով։

Ֆոնդերի ակտիվների կառուցվածքը հետևյալն է․

• 64-73%՝ տեղակայված Հայաստանի ֆինանսական շուկայում (պետական և կորպորատիվ պարտատոմսեր, ավանդներ, բաժնետոմսեր, այլընտրանքային ներդրումներ)
• - 27-36%՝ արտասահմանյան բաժնետոմսեր և պարտատոմսեր

Միջազգային շուկաները եռամսյակում եղել են բարձր տատանողական, սակայն փակվել են դրական միտումներով․

• ԱՄՆ-ի բաժնետոմսերի եկամտաբերություն՝ 10.9%
• Զարգացած երկրների բաժնետոմսերի եկամտաբերություն՝ 11.6%
• Խոշոր տեխնոլոգիական ընկերությունների եկամտաբերություն՝ մինչև 18.6%

Հայաստանի տնտեսությունը 2025-ի երկրորդ եռամսյակում գրանցել է 5.3% տնտեսական աճ։ Տարվա գնաճը կազմել է 3.9%։ ՀՀ կենտրոնական բանկի քաղաքականության տոկոսադրույքը պահպանվել է 6.75% մակարդակում։

Մանրամասները՝ տեսանյութում։