Բունդեսբանկը 2025-ին ակնկալում է Գերմանիայի տնտեսության աճ 0.2%-ով

Գերմանիայում գնաճն ընթացիկ տարում կկազմի 2.3%, իսկ հաջորդ տարի կդանդաղի մինչև 2.2%։

Գերմանիայի Կենտրոնական բանկն ակնկալում է երկրի տնտեսության աճի վերականգնումը ընթացիկ տարում՝ երկու տարվա ստագնացիայից հետո։

Այժմ Բունդեսբանկն կանխատեսում է, որ 2025 թվականին Գերմանիայի ՀՆԱ-ն կաճի 0.2%-ով։ Նախորդ կանխատեսումը նախատեսում էր զրոյական աճ։

Բացի այդ, կարգավորողը 2026 թվականի աճի կանխատեսումը նվազեցրել է 0.1 տոկոսային կետով՝ մինչև 0.6%, իսկ 2027 թվականի կանխատեսումը բարձրացրել է նույն չափով՝ մինչև 1.3%։

«Սկզբում առաջընթացը թույլ կլինի, սակայն այն աստիճանաբար կարագանա: 2026 թվականի երկրորդ եռամսյակից սկսած տնտեսական աճը զգալիորեն կուժեղանա՝ հիմնականում պետական ծախսերի և արտահանման վերականգնման հաշվին», – նշել է կարգավորողի ղեկավար Յոախիմ Նագելը։

Միաժամանակ նշվում է, որ հաջորդ տարվա կանխատեսումը ճշգրտվել է՝ հաշվի առնելով աշխատանքային օրերի ավելի մեծ քանակը։ Առանց այդ ճշգրտման՝ աճը կկազմեր 0.9%։

Բունդեսբանկի կանխատեսմամբ՝ Գերմանիայում գնաճն ընթացիկ տարում կկազմի 2.3%, իսկ հաջորդ տարի կդանդաղի մինչև 2.2%։

Կարգավորողի գնահատմամբ՝ մինչև 2028 թվականը Գերմանիայի բյուջեի դեֆիցիտը գրեթե կկրկնապատկվի՝ այս տարվա ՀՆԱ-ի 2.5%-ից հասնելով 4.8%-ի։ Ընդհանուր պետական պարտքը մինչև 2028 թվականը կաճի՝ ՀՆԱ 62%-ից հասնելով 68%-ի։