Ռուսաստանի առևտրաարդյունաբերական պալատի (ԱԱՊ) նախագահ Սերգեյ Կատիրինը հայտնել է, որ թողարկվել է ԲՐԻԿՍ-ի հուշադրամային թղթադրամը երեք անվանական արժեքով՝ 50, 100 և 200 պայմանական միավորներով։

Առաջին փորձնական սերիան՝ 100 անվանականով, ներկայացվել է Պրետորիայում, որտեղ ռուսաստանցի դեսպանը այն հանձնել է հարավաֆրիկյան գործընկերներին։ 2025-ին Սանկտ Պետերբուրգի տնտեսական համաժողովում ներկայացվել է արդեն 200 անվանականով սահմանափակ թողարկմամբ թղթադրամը։

Կատիրինի խոսքով, այս նախաձեռնության նպատակը եղել է ստեղծել խորհրդանշական թղթադրամ, որը վիզուալ և գաղափարական առումով կարտացոլի ԲՐԻԿՍ-ի բազմաբևեռության, հավասարության և ռազմավարական գործընկերության սկզբունքները։ Միաժամանակ, նշվել է, որ ԲՐԻԿՍ-ի ներսում հաշվարկներն իրականացվում են ազգային արժույթներով էլեկտրոնային ձևաչափով, և առանձին միասնական արժույթի ստեղծման անհրաժեշտություն այս պահին չկա։

Աղբյուրը՝ РИА Новости