Brent տեսակի նավթը մեկ բարելի դիմաց վաճառվում է 63.3 դոլարով

Նավթի գները երեքշաբթի օրվա առևտրում կայուն են եղել, թրեյդերները շարունակում են հետևել ԱՄՆ-ի և Չինաստանի առևտրային հարաբերությունների զարգացմանը։

Լոնդոնի ICE Futures բորսայում Brent տեսակի նավթի դեկտեմբերյան ֆյուչերսների գինը մեկ բարելի համար կազմում է 63.31 դոլար, ինչը 0.01 դոլարով (0.02%-ով) ցածր է նախորդ փակման ցուցանիշից։ Երկուշաբթի օրը այս պայմանագրերը բարձրացել են 0.59 դոլարով (0.94%-ով)՝ մեկ բարելի համար հասնելով 63.32 դոլարի։

Նյու Յորքի ապրանքային բորսայում (NYMEX) նոյեմբերյան WTI հում նավթի ֆյուչերսները էլեկտրոնային առևտրի ժամանակ էժանացել են 0.02 դոլարով (0.03%)՝ մեկ բարելի համար հասնելով 59.47 դոլարի։ Այս պայմանագրերի գինը նախորդ առևտրային նստաշրջանում աճել է 0.59 դոլարով (1%)՝ մեկ բարելի համար հասնելով 59.49 դոլարի։