Brent տեսակի նավթը մեկ բարելի համար էժանացել է մինչև 60.93 դոլար

Նավթի գները երեքշաբթի օրը շարունակել են անկում ապրել՝ համաշխարհային մատակարարման ավելցուկի վերաբերյալ աճող մտահոգությունների և ԱՄՆ-Չինաստան առևտրային հակամարտության հետևանքով պահանջարկի նվազման սպասումների ֆոնին։

Լոնդոնի ICE Futures բորսայում Brent տեսակի նավթի դեկտեմբերյան ֆյուչերսների գինը մեկ բարելի համար կազմում է 60.93 դոլար, ինչը 0.08 դոլարով (0.13%-ով) ցածր է նախորդ փակման ցուցանիշից։ Երկուշաբթի օրը այս պայմանագրերը նվազել են 0.28 դոլարով (0.46%-ով)՝ մեկ բարելի համար հասնելով 61.01 դոլարի։

Նյու Յորքի ապրանքային բորսայում (NYMEX) WTI հում նավթի դեկտեմբերյան ֆյուչերսները նվազել են 0.08 դոլարով (0.14%)՝ մեկ բարելի համար հասնելով 56.94 դոլարի։ Նախորդ նստաշրջանում այս պայմանագրերը նվազել են 0.13 դոլարով (0.23%)՝ մեկ բարելի համար հասնելով 57.02 դոլարի։