Brent տեսակի նավթի գինը նվազել է՝ մեկ բարելի համար մինչև 63.92 դոլար

Նյու Յորքի ապրանքային բորսայում (NYMEX) WTI հում նավթի դեկտեմբերյան ֆյուչերսները նվազել են 0.14 դոլարով։

Նավթի գները երեքշաբթի օրը նվազում են՝ նախորդ նստաշրջանի արդյունքներով գրանցված աճից հետո, որն էլ եղել էր ԱՄՆ-ում շաթդաունի ավարտի հույսերի շնորհիվ։

Լոնդոնի ICE Futures բորսայում Brent տեսակի նավթի հունվարյան ֆյուչերսների գինը մեկ բարելի համար կազմում է 63.92 դոլար, ինչը 0.14 դոլարով (0.22%-ով) ցածր է նախորդ փակման ցուցանիշից։ Երկուշաբթի օրը այս պայմանագրերը բարձրացել են 0.43 դոլարով (0.68%-ով)՝ մեկ բարելի համար հասնելով 64.06 դոլարի։

Նյու Յորքի ապրանքային բորսայում (NYMEX) WTI հում նավթի դեկտեմբերյան ֆյուչերսները նվազել են 0.14 դոլարով (0.23%)՝ մեկ բարելի համար հասնելով 59.99 դոլարի։ Նախորդ նստաշրջանում այս պայմանագրերը թանկացել են 0.38 դոլարով (0.64%)՝ մեկ բարելի համար հասնելով 60.13 դոլարի։