Brent տեսակի նավթը մեկ բարելի համար էժանացել է մինչև 69.79 դոլար

Նավթի գները երկուշաբթի առավոտյան անկում են գրանցում՝ նախորդ շաբաթվա աճից հետո։

Լոնդոնի ICE Futures բորսայում Brent տեսակի նավթի նոյեմբերյան ֆյուչերսները նվազել են 0.34 դոլարով (0.48%)՝ մեկ բարելի համար հասնելով 69.79 դոլարի: Ուրբաթ օրը Brent-ը թանկացել է 0.71 դոլարով (1.02%)՝ մեկ բարելի համար հասնելով 70.13 դոլարի:

Այս պահին Նյու Յորքի ապրանքային բորսայի (NYMEX) էլեկտրոնային առևտրում WTI նավթի նոյեմբերյան ֆյուչերսները նվազել են 0.42 դոլարով (0.64%)՝ մեկ բարելի համար հասնելով 65.30 դոլարի։ Նախորդ առևտրային նստաշրջանում պայմանագիրը թանկացել էր 0.74 դոլարով (1.14%)՝ մեկ բարելի համար հասնելով 65.72 դոլարի։