BMW-ն հետ է կանչել մոտ 200 հազար ավտոմեքենա՝ բռնկվելու վտանգի պատճառով

Գերմանական ավտոարտադրողը հետկանչը կիրականացնի փուլերով՝ կախված պահեստամասերի առկայությունից։

Մոտ 200 հազար BMW ավտոմեքենաների սեփականատերերը պետք է իրենց ավտոմեքենաները կայանեն փողոցում, քանի որ կայանման կամ շարժման ժամանակ կարող է հրդեհ բռնկվել, հաղորդում է NBC News-ը՝ վկայակոչելով Ճանապարհային անվտանգ երթևեկության ազգային վարչությանը։

Վնասված ավտոմեքենաների մոդելների թվում են 2019-2022 թվականների Z4 մոդելը, 2019-2021 թվականների 330I մոդելը, 2020-2022 թվականների X3 մոդելը, 2020-2022 թվականների X4 մոդելը, 2020-2022 թվականների 530I մոդելը, 2021-2022 թվականների (ստանդարտ և կաբրիոլետ) 430I մոդելը,  2022 թվականի 230I մոդելը և 2020-2022 թվականների մոտ 1500 Toyota Supra ավտոմեքենաները, որոնք բոլորը արտադրել է  BMW-ն, հայտնել է գործակալությունը։ Դաշնային գործակալությունը հայտնել է, որ ավտոմեքենայի շարժիչի մեկնարկիչի ռելեն կոռոզիայի ենթարկվելու վտան գ է պարունակում, «հանգեցնելով ռելեի գերտաքացմանը և կարճ միացմանը, ինչը կարող է հրդեհի պատճառ դառնալ»։

«Սեփականատերերն ավտոմեքենան պետք է կայանեն դրսում, շենքերից և այլ տրանսպորտային միջոցներից հեռու, մինչև չհաստատեն, որ իրենց ավտոմեքենան չի տուժել հետկանչից կամ որ այն վերանորոգված է»,- նշել է գործակալությունը։

Ըստ NBC News-ի՝ գերմանական ավտոարտադրողը հետկանչը կիրականացնի փուլերով՝ կախված պահեստամասերի առկայությունից։

Նախնական ծանուցումները նախատեսված է ուղարկել սեփականատերերին նոյեմբերի 14-ին, իսկ երկրորդ ծանուցումը կուղարկվի, երբ պահեստամասերը հասանելի կդառնան, հավելել է գործակալությունը։