Bitcoin-ը արժեզրկվել է․ շուկան կտրուկ անկման փուլում է

Անկումը մասամբ պայմանավորված է վերջին օրերի վաճառքների աճով։

Կրիպտոարժույթների շուկան արձանագրում է զգալի անկում։ Bitcoin-ի գինը նվազել է և կազմում է 103 900 ԱՄՆ դոլար։ Սա մոտ 3.5 տոկոս անկում է նախորդ օրվա համեմատ։

Արժեզրկումն արձանագրվել է այն պահին, երբ ներդրողները շարունակում են գնահատել ԱՄՆ Դաշնային պահուստային համակարգի քաղաքականության հնարավոր փոփոխությունները և շուկայի ընդհանուր անկայունությունը։

Կրիպտոարժույթների ընթացիկ գները.

  • Bitcoin (BTC) – 103 900 $

  • Ethereum (ETH) – 3 499 $

  • Fasttoken (FTN) – 2.02 $

Վերլուծաբանների գնահատմամբ՝ ներկայիս անկումը մասամբ պայմանավորված է վերջին օրերի վաճառքների աճով, ինչը որոշ ներդրողներ դիտում են որպես կարճաժամկետ շտկում՝ երկարաժամկետ աճի հնարավորությամբ։