ՀՀ բանկերի միջոցով ֆիզիկական անձանց անունով արտերկրից ստացված փոխանցումների ծավալը 2025թ.-ի օգոստոսին կազմել է 455․6 մլն դոլար

2024թ. օգոստոսի համեմատ արձանագրվել է կատարված փոխանցումների ծավալի անկում 236․4 մլն դոլարով կամ 45․5%-ով։

ՀՀ կենտրոնական բանկի կողմից հրապարակված տվյալների համաձայն ՀՀ բանկերի միջոցով ֆիզիկական անձանց անունով արտերկրից ստացված փոխանցումների ծավալը 2025թ.-ի օգոստոս ամսին կազմել է 455․6 մլն ԱՄՆ դոլար։ 2024թ. օգոստոսի համեմատ արձանագրվել է ստացված փոխանցումների ծավալի անկում 95․7 մլն դոլարով կամ 17․4%-ով։

Ինչ վերաբերվում է ՀՀ–ից ֆիզիկական անձանց կողմից արտերկիր իրականացված փոխանցումների ծավալին, ապա 2025թ.-ի օգոստոսին արձանագրվել է 282․9 մլն դոլար ցուցանիշ։ 2024թ. օգոստոսի համեմատ արձանագրվել է կատարված փոխանցումների ծավալի անկում 236․4 մլն դոլարով կամ 45․5%-ով։

2025թ.-ի օգոստոս ամսին ֆիզիկական անձանց կողմից իրականացված փոխանցումների արդյունքում արձանագրված դրամական միջոցների զուտ ներհոսքը կազմել է 172․7 մլն դոլար։