Ադրբեջանը սպառնում է միջազգային դատարան դիմել ավիավթարի գործով. Ալիեվը մեղադրում է Ռուսաստանին

Ալիևը բացառել ու ծիծաղելի է համարել ինքնաթիռի՝ ուկրաինական անօդաչու թռչող սարքից խոցված լինելու վարկածը:

Ադրբեջանը պատրաստվում է անցած տարեվերջին կործանված AZAL ընկերությանը պատկանած՝ ինքնաթիռի գործով դիմել միջազգային դատարան: 
Ստեփանակերտում անցկացվող մեդիաֆորումի ընթացքում հայտարարելով այս մասին, Իլհամ Ալիևը նաև հավելել է, որ Ռուսաստանն է ավիավթարի պատասխանատուն, որ Ադրբեջանն այդ ողբերգության մասին չի մոռանա, քանի դեռ «մեղավորները չեն ընդունել իրենց մեղքը: