Ադրբեջանը զորահավաք է հայտարարել և զորամասերը հանել է մարտական դիրքեր

Նման միջոցառումները նպատակ ունեն ապահովել բանակի օպերատիվ պատրաստությունը։

Ադրբեջանի պաշտպանության նախարարությունը պարզաբանել է գործողությունների կարգը զորահավաք №1 հայտարարման դեպքում, տեղեկացնում են տեղի լրատվամիջոցները։

Գերատեսչության փոխանցմամբ՝ զորահավաք հայտարարելու դեպքում զինված ուժերը բերվում են լիակատար մարտական պատրաստության վիճակի, և միաժամանակ սկսվում է պահեստազորում գտնվող զինծառայողների զորակոչը։

Նշվում է, որ զորահավաքային միջոցառումների շրջանակում զորամասերը դուրս են բերվում մարտական դիրքեր կամ նախապես սահմանված որոշակի շրջաններ։

Ընդգծվում է, որ նման միջոցառումները նպատակ ունեն ապահովել բանակի օպերատիվ պատրաստությունը և հնարավոր սպառնալիքներին արագ արձագանքելու կարողությունը։