Այս տարի Ռուսաստանի և Հայաստանի ապրանքաշրջանառությունը կրճատվել է երկու երրորդով: Այս մասին ՌԻԱ Նովոստի-ի հարցին պատասխանելիս հայտնել է ՌԴ կառավարության փոխնախագահ Ալեքսեյ Օվերչուկը։ «2024 թվականին Ռուսաստանի և Հայաստանի միջև ապրանքաշրջանառությունը հասել է ռեկորդային ցուցանիշի՝ շուրջ 12 միլիարդ դոլարի։ Սա հսկայական թիվ է։ Անցյալ տարի այն իջել է մինչև մոտ 8 միլիարդի։ Այս տարի տեղի է ունենում ապրանքաշրջանառության շատ դրամատիկ անկում։ 2025 թվականի համեմատությամբ ապրանքաշրջանառության մոտ երկու երրորդը։ Իրավիճակն այնպիսին է, որ ակնհայտ է՝ այն հետագայում ևս կրճատվելու է», - հայտարարել է փոխվարչապետը Չոլպոն Ատայում անցկացվող Ռուս-ղրղզական տնտեսական ֆորումի ետնաբեմում։
Օվերչուկի խոսքով՝ իրավիճակը, որն այժմ զարգանում է ԵԱՏՄ-ի և Հայաստանի հարաբերություններում, կանխատեսելի էր։
«Եվ մենք վերջին երեք-չորս տարիների ընթացքում Հայաստանի մեր գործընկերներին ասում էինք, որ նման ռիսկեր գոյություն ունեն, մասնավորապես՝ ապրանքաշրջանառության կրճատման ռիսկերը», - ընդգծել է նա։
