«Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը սոցցանցի իր էջում հայտնել է.
«Եթե մինչև սեպտեմբերի 12-ը Ատլանտյան օվկիանոսում ոչ մի փոթորիկ չձևավորվի, ապա այս տարվա փոթորկային սեզոնը կդառնա վերջին 100 տարվա ամենահանգիստը։
Այս սեզոնին ձևավորվել է 5 արևադարձային ցիկլոն, սակայն դրանցից ոչ մեկը չի հասել փոթորկի ուժգնության։
Դա կապվում է Էլ Նինյոյի ազդեցության հետ, որը նպաստում է արևադարձային Ատլանտիկայի վրա քամու ուղղահայաց շեղման ուժեղացմանը։Քամու ուժեղ ուղղահայաց շեղումը խախտում է արևադարձային ցիկլոնի ուղղաձիգ կառուցվածքը՝ թույլ չտալով, որ այն պատշաճ ձևավորվի և ուժգնանա՝ հասնելով փոթորկի աստիճանի»։
