Բրազիլիայում հորդառատ անձրևների և սողանքների հետևանքով առնվազն 31 մարդ է զոհվել։
Ժուիս դի Ֆորա և Ուբա քաղաքներում ավերիչ անձրևներից հետո սողանքի զոհերի որոնողական աշխատանքները շարունակվել են ողջ գիշեր։ Մինաս Ժերայիսի Զոնա դա Մատա տարածաշրջանում մինչ այժմ արձանագրվել է 31 մահվան դեպք և իրականացվել է 208 փրկարարական գործողություն։ Ընդհանուր առմամբ 36 մարդ դեռևս համարվում է անհայտ կորած։
Մինաս Ժերայիսի ռազմական հրշեջ վարչությունը հայտարարել է, որ որոնողափրկարարական աշխատանքները չեն դադարեցվի։
«Մենք կգործենք արձանագրության համաձայն՝ պահպանելով անվտանգության սահմանները, բայց կտեղակայենք թիմերը, ճիշտ այնպես, ինչպես արեցինք անցյալ գիշեր»,- նշել է լեյտենանտ Հենրիկե Բարսելոսը։
Փորձագետ Ալեքսանդր Նասիմենտոյի խոսքով՝ ընդամենը չորս ժամվա ընթացքում տեղացել է այնքան անձրև, որքան կանխատեսվում էր չորս ամբողջական օրվա համար։
