Հայաստանի Լիզինգատուների և Հայաստանի Ֆինանսիստների Ասոցիացիաները ստորագրել են համագործակցության հուշագիր

Հայաստանի Լիզինգատուների և Հայաստանի Ֆինանսիստների Ասոցիացիաները ստորագրել են համագործակցության հուշագիր։

Տեղի է ունեցել երկու ասոցիացիաների համատեղ «Լիզինգ և Ֆինանսական Կառավարում» ֆորումը, որի ընթացքում ներկայացվել են լիզինգային շուկայի զարգացման միտումները, պետական քաղաքականության առաջնահերթությունները և ֆինանսական կառավարման գործիքները։

Ֆորումը ներառել է երկու պանելային քննարկում՝ նվիրված լիզինգային շուկայի զարգացման հեռանկարներին, ֆինանսական կառավարման արդյունավետ մեխանիզմներին և պետություն–մասնավոր հատված համագործակցության ամրապնդմանը։

Միջոցառման ընթացքում ոլորտի մասնագետներն ու պետական կառույցների ներկայացուցիչները ներկայացրել են իրենց դիտարկումներն ու առաջարկները՝ ուղղված ոլորտի շարունակական առաջընթացին։

*գովազդ