Հայկական մրգերն ու բանջարեղենը, մսամթերքն ու կաթնամթերքը կարող են հետաքրքրել իրաքյան շուկային. Վ.Խաչատուրյանն ընդունել է Իրաքի գյուղատնտեսության նախարարի գլխավորած պատվիրակությանը
Լուրեր |
Հանդիպման ընթացքում առանձնակի ուշադրություն է դարձվել գյուղատնտեսության ոլորտին։
ՀՀ նախագահ Վահագն Խաչատուրյանն ընդունել է Հայաստանի և Իրաքի միջև տնտեսական համագործակցության հարցերով միջկառավարական հանձնաժողովի նիստին մասնակցելու նպատակով ժամանած Իրաքի Հանրապետության գյուղատնտեսության նախարար Աբբաս Ջաբր Ալ-Մալիքիի գլխավորած պատվիրակությանը։
Ողջունելով հյուրերին՝ նախագահը նշել է, որ Իրաքը Մերձավոր Արևելքում Հայաստանի կարևոր և վստահելի գործընկերն է, որի հետ համագործակցությունը դինամիկ կերպով զարգանում է առևտրատնտեսական, կրթամշակութային, հումանիտար և տեղեկատվական տեխնոլոգիաների ոլորտներում։
Շնորհակալություն հայտնելով ընդունելության համար, նախարար Մալիքին կարևորել է Երևանում անցկացված Հայաստան-Իրաք գործարար համաժողովը՝ որպես գործարար շրջանակների միջև կապերի խթանման և գործնական պայմանավորվածություններ ձեռք բերելու արդյունավետ հարթակ, և շեշտել է նման ձևաչափը պարբերական դարձնելու անհրաժեշտությունը՝ ընդգրկված ոլորտները ընդլայնելու նպատակով։
Կողմերը առանձնահատուկ շեշտել են երկու երկրների գործարար շրջանակների միջև կապերի հաստատման և արդյունավետ համագործակցության կարևորությունը, ինչպես նաև փոխադարձ հետաքրքրություն ներկայացնող ոլորտներում գործարար կապերի խթանումը։
Հանդիպման ընթացքում առանձնակի ուշադրություն է դարձվել գյուղատնտեսության ոլորտին։ Երկուստեք ընդգծվել է, որ հայկական մրգերն ու բանջարեղենը, կենդանի անասունները, մսամթերքն ու կաթնամթերքը կարող են հետաքրքրություն ներկայացնել իրաքյան շուկայի համար։ Կարևորվել է ուղիղ թռիչքների վերականգնումը և բեռնափոխադրումների դյուրացումը՝ առևտրատնտեսական կապերի զարգացման խթանման նպատակով։
Կողմերն ընդգծել են նաև երկուստեք ներդրումային հնարավորությունների խթանումը, ինչպես նաև էներգետիկայի, ակադեմիական, զբոսաշրջության և այլ ոլորտներում առկա համագործակցային ներուժի իրացման կարևորությունը՝ համատեղ ծրագրերի իրականացման և հարաբերությունների խորացման համար:
Հետեվեք մեզ սոց-ցանցերում
Կարդացեք նաեվ
Լուրեր | 2025/11/28 22:00
Նոյեմբերի 28-ի բիզնես լուրերը
Ինչ է կատարվել Հայաստանի և միջազգային տնտեսական աշխարհում
Լուրեր | 2025/11/28 20:20
Նոյեմբերի 28-ի կարևոր լուրերը
Ինչ է կատարվել Հայաստանում և աշխարհում
-
Նոյեմբերի 29-ի կարևոր լուրերը
2025/11/29/ 20:47 -
Ինչու է խանութում միշտ ավելի շատ գումար ծախսվում, քան նախատեսում ենք
2025/11/29/ 18:26 -
Սև ուրբաթը նոր ռեկորդ սահմանեց․ ԱՄՆ-ում առցանց վաճառքները հասել են 8.6 մլրդ դոլարի
2025/11/29/ 17:14 -
Լիզինգի բացառիկ պայմաններ՝ Healthcare Expo 2025-ում
2025/11/29/ 13:15 -
Վախից՝ դեպի գիտելիք. ՄԻԱՎ-ի մասին առանց վախի
2025/11/29/ 12:12 -
Նոյեմբերի 28-ի բիզնես լուրերը
2025/11/28/ 22:00 -
Նոյեմբերի 28-ի կարևոր լուրերը
2025/11/28/ 20:20 -
Նոր բաժին Idram&IDBank-ում
2025/11/28/ 19:14 -
ՀԹՀԱ անդամ թարգմանիչները մասնակցել են ՄԱԿԲՀ-ի ԳՀԲ թեմայով դասընթացին
2025/11/28/ 19:12 -
Մեկնի՛ր Փարիզի Դիսնեյլենդ. հնարավորություն՝ Ակբա բանկի Visa քարտապանների համար
2025/11/28/ 19:08
Բաժանորդագրվել
Փոխարժեք
Տեսանյութեր
ՓՈՂ NEWS. ՆՈՅԵՄԲԵՐԻ 28, 2025 Թ․