Հայաստան–Ռուսաստան առևտրի ծավալները աճում են. Պուտինն ու Փաշինյանը տարբեր թվեր են նշում

ԱՊՀ գագաթաժողովի ընթացքում Դուշանբեում վարչապետ Նիկոլ Փաշինյանը և ՌԴ նախագահ Վլադիմիր Պուտինը խոսել են Հայաստանի և Ռուսաստանի միջև առևտրաշրջանառության մասին։

Փաշինյանը նշել է, որ այս տարի ապրանքաշրջանառությունը արդեն հասել է 4 միլիարդ դոլարի, իսկ անցած տարի այն եղել է մոտ 9 միլիարդ դոլար։

Պուտինը, ժպիտով արձագանքելով, ասել է․ «Ոչ, ավելին»։ Նա ընդգծել է, որ թե՛ անցած տարվա, թե՛ այս տարվա տվյալները Փաշինյանի նշածից ավելի բարձր են և շարունակելու են աճել։

Հայաստանի էկոնոմիկայի նախարար Գևորգ Պապոյանը ֆեյսբուքում պարզաբանել է, որ Փաշինյանի թվերը հիմնված են ՀՀ վիճակագրության կոմիտեի պաշտոնական տվյալների վրա, ուստի դրանք ճիշտ են։

Պուտինը նաև նշել է, որ ԵԱՏՄ-ին անդամակցությունը երկրների համար բացում է նոր շուկաներ և բերում տնտեսական օգուտներ։ Օրինակ է բերել հենց Հայաստանի և Ռուսաստանի միջև առևտրի աճը։