ՀՀ-նպատրաստ է ուղի բացել Թուրքիայից դեպի Ադրբեջան ընթացող բեռնատարների համար. Փաշինյան

Միգուցե բազմաթիվ ուժեր կան, որոնք շահագրգռված չեն այս հաղորդակցության ուղիների բացմամբ բայց իրականում բոլոր խաղացողները կշահեն այս նախագծից։ Այս մասին նախօրեին Փարիզի Խաղաղության 8-րդ ֆորումի շրջանակում է «Առաջնորդության խաչմերուկներում» խորագրով քննարկման ժամանակ նշել է ՀՀ վարչապետ Նիկոլ Փաշինյանը՝ անդրադառնալով «Թրամփի ուղի» ծրագրին։

«Տեսեք, խաղաղության հռչակագրի համաձայն, որը ընդունվեց Վաշինգտոնում Ադրբեջանի հետ մեր հաղորդակցության ուղիների բացման արդյունքում, և հույս ունենք, որ այդ շրջանակում տեղի կունենա Հայաստանի և Ադրբեջանի միջև սահմանների բացումը։ Ի՞նչ կունենանք ի վերջո։ Կունենանք բաց հաղորդակցության ուղիներ Պարսից ծոցի, Օմանի ծոցի և Սև ծովի միջև, կունենանք նոր կապակցվածություն Կասպից ծովի և Միջերկրական ծովի միջև, կունենանք նոր հնարավորություններ։ Հայաստանը կունենա երկաթուղային կապ Իրանի հետ, երկաթուղային կապ Ռուսաստանի հետ, և Կենտրոնական Ասիայի հետ։

Վերջերս գիտեք ինչ տեղի ունեցավ, Ադրբեջանը հայտարարեց, որ իրենք հանում են բոլոր սահմանափակումները իրենց տարածքով դեպի Հայաստան տարանցիկ փոխադրումների նկատմամբ։ Սա շատ կարևոր հայտարարություն է, և ես դա բարձր եմ գնահատում, քանի որ դա իրոք պատմական նշանակության որոշում է կայացված Ադրբեջանի կողմից, և մենք դա գնահատում ենք։

Մենք էլ պատրաստ ենք բացել մեր հաղորդակցության ուղիները Ադրբեջանի համար և ես վերջերս հայտարարեցի, որ մենք պատրաստ ենք երթուղի տրամադրել Թուրքիայից Ադրբեջան ընթացող բեռնատարների և Ադրբեջանից Թուրքիա ընթացող բեռնատարների համար։

Ես հասկացա, որ միգուցե կարող են լինել ուժեր, որոնք շարագրգռված չեն լինի մեր տարածաշրջանային հաղորդակցության ուղիների բացմամբ, բայց իրականում այս նախագիծը շահեկան է բոլոր խաղացողների համար»,– հայտարարեց Նիկոլ Փաշինյանը։