Հայաստանը «Japan IT Week»-ին առաջին անգամ ներկայացվում է միասնական տաղավարով

Ներկայացվում են նաև պետական աջակցության ծրագրերը և հեռանկարային նախաձեռնությունները։

Ճապոնիայի մայրաքաղաք Տոկիոյում մեկնարկել է Japan IT Week միջազգային տեխնոլոգիական ցուցահանդեսը, որտեղ Հայաստանը առաջին անգամ ներկայացվում է միասնական տաղավարով։

ՀՀ բարձր տեխնոլոգիական արդյունաբերության նախարարությունից հայտնում են, որ հայկական պատվիրակության կազմում ընդգրկված են ոլորտի առաջատար կազմակերպություններ։

Ցուցահանդեսի շրջանակում ներկայացվում են Հայաստանի տեխնոլոգիական էկոհամակարգի ձեռքբերումները, նորարարական լուծումները, ինչպես նաև պետություն-մասնավոր համագործակցության հաջողված նախագծերը։

Ներկայացվում են նաև պետական աջակցության ծրագրերը և հեռանկարային նախաձեռնությունները։

Ցուցահանդեսին մասնակցության հիմնական նպատակն է նոր գործարար կապերի հաստատումը և միջազգային համագործակցության ընդլայնումը։

Japan IT Week-ը Ասիայի խոշորագույն տեխնոլոգիական ցուցահանդեսներից է, որը միավորում է հազարավոր ընկերությունների և փորձագետների։

Միջոցառումն իրականացվում է նաև Ճապոնիայի միջազգային համագործակցության գործակալության (JICA) հետ համագործակցությամբ։