ՀՀ-ն պատրաստ է խաղաղության, բայց ոչ՝ զիջումներով ինքնիշխանության հաշվին. Նազելի Բաղդասարյան

Վարչապետի մամուլի խոսնակ Նազելի Բաղդասարյանը նշել է, որ Հայաստանը երբեք չի քննարկել և չի քննարկելու Ադրբեջանի առաջ քաշած «միջանցքի» անվանաբանությունն ու դրանից բխող տրամաբանությունը։

Տրանսպորտային կապերը պետք է գործեն ՀՀ ինքնիշխանության, տարածքային ամբողջականության և իրավազորության լիարժեք հարգման հիմքով։
ՀՀ տարածքով անցնող բեռներն ու ուղևորները պարտադիր անցնելու են մաքսային և սահմանային հսկողություն։Հայաստանը պատրաստ է ապահովել տարանցման անվտանգությունն ու ենթակառուցվածքների ներդրումները՝ միջազգային չափանիշներին համապատասխան։ 
Երկաթուղու կառուցման հարցում ՀՀ պատրաստ է գործել Ադրբեջանի հետ համաձայնության դեպքում։ Բաղդասարյանը հաստատել է նաև, որ ՀՀ պատրաստ է ստորագրել խաղաղության պայմանագիր՝ առանց Սահմանադրության փոփոխության նախապայմանի, և գերիների ու անհայտ կորածների հարցերը քննարկվում են բոլոր բանակցությունների ընթացքում։