Հայաստան է ժամանել Ադրբեջանի փոխվարչապետ Շահին Մուստաֆաևը․ ԱԳՆ

Նախորդ հանդիպումը տեղի էր ունեցել 2025 թվականի նոյեմբերի 28-ին։

Հայաստան է ժամանել Ադրբեջանի պատվիրակությունը՝ փոխվարչապետ Շահին Մուստաֆաևի գլխավորությամբ։

Այս մասին հայտնել է ՀՀ ԱԳՆ մամուլի խոսնակ Անի Բադալյանը՝ նշելով, որ առաջիկայում կտրվի լրացուցիչ մամուլի հաղորդագրություն։

Հիշեցնենք, որ նախորդ հանդիպումը տեղի էր ունեցել 2025 թվականի նոյեմբերի 28-ին Ադրբեջանի Գաբալա քաղաքում՝ Հայաստանի փոխվարչապետ Մհեր Գրիգորյանի և Ադրբեջանի փոխվարչապետ Շահին Մուստաֆաևի համանախագահությամբ։ Այն անցկացվել էր պետական սահմանի սահմանազատման և սահմանային անվտանգության հարցերով հանձնաժողովների շրջանակում։

Կողմերը պայմանավորվել էին հաջորդ հանդիպումն անցկացնել Հայաստանի քաղաքներից մեկում։