Հայաստանն ունի ԵԱՏՄ-ում արդյունաբերական արտադրության աճի տեմպի ամենացածր ցուցանիշը

ԵՏՀ-ի տվյալների համաձայն՝ արդյունաբերական աճ է արձանագրվել Միության գրեթե բոլոր անդամ երկրներում։

2025 թվականի հունվար–նոյեմբեր ամիսներին Եվրասիական տնտեսական միության (ԵԱՏՄ) երկրներում արդյունաբերական արտադրության ծավալը 2024 թվականի նույն ժամանակահատվածի համեմատ աճել է 1.2%-ով։ Այս մասին հայտնում է Եվրասիական տնտեսական հանձնաժողովը (ԵՏՀ)։

ԵՏՀ-ի տվյալների համաձայն՝ արդյունաբերական աճ է արձանագրվել Միության գրեթե բոլոր անդամ երկրներում։ Ամենաբարձր աճը գրանցվել է Ղրղզստանում, որտեղ արդյունաբերական արտադրության ծավալներն ավելացել են 10%-ով։ Ղազախստանում արդյունաբերության աճը կազմել է 7.4%, Ռուսաստանում՝ 1%։

Հայաստանում արդյունաբերական արտադրության ծավալներն աճել են 0.5%-ով՝ պահպանելով դրական, սակայն համեմատաբար զուսպ դինամիկա։

ԵՏՀ-ն նշում է, որ արդյունաբերության աճը պայմանավորված է մի շարք երկրներում վերամշակող արդյունաբերության ակտիվությամբ, ինչպես նաև հումքային ոլորտում արտադրության և արտահանման ծավալների ավելացմամբ։