Հայաստանը՝ ChatGPT-ի օգտագործման առաջատարը

Այս ցուցանիշով Հայաստանը գերազանցում է տարածաշրջանի այլ երկրներին:

Հայաստանը զբաղեցնում է հինգերորդ տեղը աշխարհում ChatGPT-ի օգտագործման տարածվածությամբ՝ ըստ բնակչության։ 2025 թվականին երկրի բնակչության շուրջ 7.9%շաբաթական օգտվում է ChatGPT-ից՝ տեղեկացնում են CoinJournal-ը և FirstPageSage-ը։

Այս ցուցանիշով Հայաստանը գերազանցում է տարածաշրջանի այլ երկրներին՝ Վրաստանին (4.3%), Թուրքիային (4.5%), Ադրբեջանին (4.1%) և Իրանին (3.5%)։

Աշխարհում ChatGPT-ի օգտագործմամբ առաջատարներն են Բուտանը (16%), Սինգապուրը (9.4%), Բրունեյը (9.3%) և Էստոնիան (8.4%)։

Ուսումնասիրության հեղինակները նշում են, որ ակտիվությունն առավել բնութագրական է այն երկրներին, որտեղ բնակչությունը արագ է ընդունում նոր տեխնոլոգիաները և բարձր է թվային գրագիտությունը։ Հայաստանում ChatGPT-ն լայն տարածում է գտել հատկապես կրթության, ծրագրավորման և փոքր բիզնեսի ոլորտներում։