Հայաստանը հավանություն տվեց ԱՊՀ երկրների մաքսային նպատակով փորձաքննությունների կենտրոնի մասին համաձայնագրին

Հայաստանը հավանություն տվեց ԱՊՀ երկրների մաքսային նպատակով փորձաքննությունների կենտրոնի մասին համաձայնագրին:

Կառավարությունն իր այսօրվա՝ սեպտեմբերի 18–ին նիստում հավանություն տվեց «ԱՊՀ մասնակից պետությունների մաքսային մարմինների՝ մաքսային նպատակներով փորձաքննությունների եւ հետազոտությունների կենտրոնի մասին» համաձայնագրին։

Այս համաձայնագրի կնքումը նպատակ ունի շնորհել ԱՊՀ երկրի մասնագիտացված պետական մարմնին տալ մաքսային մարմինների մաքսային նպատակներով փորձաքննությունների և հետազոտությունների կենտրոնի կարգավիճակ, որը լիազորված է մաքսային նպատակներով փորձաքննություններ ու հետազոտություններ անցկացնելու համար։

Կենտրոնի գործունեության հիմնական ուղղություններն են՝

մաքսային նպատակներով փորձաքննություններ ու հետազոտություններ անցկացնելիս Կողմերի տեղեկատվավերլուծական և գիտամեթոդական փոխգործակցության իրականացումը.

մաքսային նպատակներով փորձաքննություններ ու հետազոտություններ անցկացնելիս Կողմերի գործնական և գիտատեխնիկական փոխգործակցության կազմակերպումը.

մաքսային նպատակներով փորձաքննություններ ու հետազոտություններ նշանակելիս և անցկացնելիս Կողմերի մաքսային մարմինների աշխատանքի կազմակերպման միատեսակ մոտեցումների մշակումը։

Համաձայնագիրը կօգնի բարելավել ԱՊՀ մասնակից պետությունների մաքսային մարմինների արդյունավետությունը տնտեսական պաշտպանության, անվտանգության ամրապնդման և մաքսային ոլորտում իրավախախտումների դեմ պայքարի, ինչպես նաև փորձագետների ներուժի և մասնագիտական կարողությունների զարգացման գործում:

Կենտրոնի կարգավիճակում փորձագիտական հիմնարկի լիազորություններն իրականացվում են 5 տարվա ընթացքում։