Հայաստանն ու Ղազախստանը կհամագործակցեն հետախուզության ոլորտում

Համաձայնագիրը միտված է երկկողմ ոլորտային համագործակցության ընդլայնմանը։

Կառավարությունը մարտի 5-ի նիստում հավանություն տվեց Հայաստանի և Ղազախստանի կառավարությունների միջև ռազմական հետախուզության ոլորտում համագործակցության մասին համաձայնագրին։

Հիմնավորման մեջ նշվում է, որ երկու երկրների հարաբերությունների զարգացման ներուժը պայմանավորված է ՀԱՊԿ-ին անդամակցությամբ, ինչպես նաև երկկողմ և բազմակողմ ձևաչափերում փոխգործակցությամբ։

Նշվում է, որ պաշտպանական գերատեսչությունների միջև առկա է համագործակցության և երկխոսության բարձր մակարդակ։

Համագործակցության ուղղությունները

Համաձայնագրով նախատեսվում է՝

  • ստեղծել ռազմական հետախուզության ոլորտում համագործակցության իրավական հիմք,

  • իրականացնել տեղեկատվության փոխանակում ազգային անվտանգության ապահովման հարցերում,

  • զարգացնել տեխնոլոգիաների փոխանակում համապատասխան սուբյեկտների միջև,

  • փոխանակել տեղեկատվություն ահաբեկչական և ծայրահեղական կազմակերպություններին հակազդման, ինչպես նաև փոխադարձ հետաքրքրություն ներկայացնող ռազմաքաղաքական իրադարձությունների վերաբերյալ։

Համաձայնագիրը միտված է երկկողմ ոլորտային համագործակցության ընդլայնմանը։