Հայաստանը և Անգոլան կչեղարկեն մուտքի արտոնագրի պահանջը դիվանագիտական և պաշտոնական անձնագրեր ունեցողների համար

ախագիծը ներառված էր գործադիրի չզեկուցվող հարցերի օրակարգում։

ՀՀ կառավարությունն ապրիլի 30-ի նիստում հավանություն է տվել Հայաստանի և Անգոլայի միջև դիվանագիտական, ծառայողական և պաշտոնական անձնագրեր ունեցող անձանց համար մուտքի վիզայի պահանջի վերացման մասին համաձայնագրի ստորագրմանը։ Նախագիծը ներառված էր գործադիրի չզեկուցվող հարցերի օրակարգում։

Համաձայնագրի նախագիծը ներկայացվել է անգոլական կողմից դեռևս 2024 թվականի հոկտեմբերին։ Ըստ պաշտոնական հիմնավորման՝ այս քայլն ուղղված է բարձրաստիճան պատվիրակությունների փոխայցելությունների դյուրացմանը և երկկողմ հարաբերությունների ակտիվացմանը։ Գործընթացը համահունչ է ՀՀ կառավարության 2021-2026 թթ. ծրագրին, որով նախատեսվում է ընդլայնել դիվանագիտական և տնտեսական ներկայացվածությունը աֆրիկյան տարածաշրջանի երկրների հետ։