Ապրիլի 27-ի բիզնես լուրերը

ՏԵՂԱԿԱՆ ԼՈՒՐԵՐ

Հայաստանը ՄԱԿ-ում ներկայացրել է զարգացման ֆինանսավորման իր մոտեցումները
ՀՀ ֆինանսների նախարարի տեղակալ Էդգար Մկրտչյանը ՄԱԿ-ում ներկայացրել է զարգացման ֆինանսավորման վերաբերյալ Հայաստանի մոտեցումները՝ ընդգծելով, որ գործող գործիքները հաճախ չեն բավարարում դեպի ծով ելք չունեցող երկրների կարիքները։

ԱՄՆ դեսպանությունը հորդորում է օգտվել միայն պաշտոնական աղբյուրներից
Հայաստանում ԱՄՆ դեսպանությունը խորհուրդ է տալիս վիզաների վերաբերյալ տեղեկատվությունը ստուգել բացառապես պաշտոնական աղբյուրներում՝ խուսափելու ապատեղեկատվությունից։

2026-ի առաջին եռամսյակում տնտեսական ակտիվությունը աճել է 7.1%-ով
Հայաստանում տնտեսական ակտիվության ցուցանիշը 2026 թվականի հունվար-մարտին աճել է 7.1%-ով։ Ամենաբարձր աճը գրանցվել է շինարարության ոլորտում՝ 22%։

ՊԵԿ-ում քննարկվել են համակարգերի թվայնացման առաջնահերթությունները
ՊԵԿ-ում տեղի ունեցած նիստում քննարկվել են թվայնացման ծրագրերը և դրանց առաջնահերթությունները՝ նպատակ ունենալով բարձրացնել հարկ վճարողների սպասարկման որակը։

Փետրվարին արտահանման աճը կազմել է 37.6%
Հայաստանում արտահանման աճը փետրվարին կազմել է 37.6%՝ պայմանավորված հանքարդյունաբերության արտադրանքի արտահանման աճով։ Արտաքին առևտրաշրջանառությունը կազմել է 1.8 մլրդ դոլար։

ՄԻՋԱԶԳԱՅԻՆ ԼՈՒՐԵՐ

Համաշխարհային ռազմական ծախսերը շարունակում են աճել
SIPRI-ի տվյալներով՝ 2025 թվականին ռազմական ծախսերը հասել են 2.887 տրիլիոն դոլարի՝ կազմելով համաշխարհային ՀՆԱ-ի 2.5%-ը։

Բունդեսթագը հրապարակել է նախկին կանցլերի ծախսերը
Գերմանիայում հրապարակվել են Անգելա Մերկելի ծառայողական ծախսերը, ներառյալ արտաքին տեսքի ծառայությունների և ուղևորությունների համար կատարված վճարումները։

«Georgian Airways»-ին սպառնում է սնանկացում
Վառելիքի թանկացման պատճառով ավիաընկերությունը կրճատում է չվերթները և չի բացառում սնանկացումը՝ սպասելով պետական աջակցությանը։

Ռուսաստանի ԿԲ-ն իջեցրել է հիմնական տոկոսադրույքը
ՌԴ Կենտրոնական բանկը նվազեցրել է վերաֆինանսավորման տոկոսադրույքը՝ սահմանելով այն 14.5%՝ տնտեսական ակտիվությունը խթանելու նպատակով։