Apple-ը ներկայացրել է iOS 26 և մյուս համակարգերի բետա տարբերակները

Apple-ը հասանելի է դարձրել iOS 26 և մյուս օպերացիոն համակարգերի առաջին հանրային բետա տարբերակները:

Apple-ը թողարկել է իր ապագա օպերացիոն համակարգերի՝ iOS 26, iPadOS 26, macOS Tahoe 26, watchOS 26 և tvOS 26 հանրային բետա տարբերակները։

Այժմ նոր հնարավորությունները կարող են փորձարկել ոչ միայն մշակողները, այլ նաև բոլոր ցանկացողները։Բոլոր համակարգերում գլխավոր նորույթը Liquid Glass անունով թեման է, որը ոգեշնչված է visionOS ինտերֆեյսից։ Այն ամբողջությամբ վերափոխում է համակարգերի արտաքին տեսքը՝ ներմուծելով թափանցիկ և կիսաթափանցիկ ապակու նման տարրեր։

Apple-ն արդեն կատարել է մի շարք փոփոխություններ ինտերֆեյսում՝ թափանցիկության աստիճանի կրճատմամբ, ինչի շնորհիվ ինտերֆեյսը դարձել է ավելի հարմարավետ և ներդաշնակ։

Նշանակալից փոփոխություն է նաև տարբեր համակարգերի տարբերակների համարակալումը․ այսուհետ բոլոր նոր օպերացիոն համակարգերը հանդես են գալիս «26» ինդեքսով՝ ըստ ավտոմոբիլային արդյունաբերության տրամաբանության՝ հաջորդ տարվա թվով։

Հանրային բետա տարբերակները հասանելի են «Software Update» բաժնի միջոցով՝ նախապես գրանցվելով Apple-ի բետա թեստավորման ծրագրում։ Թարմացումից առաջ անհրաժեշտ է ստեղծել պահուստային պատճեն (backup), քանի որ սա փորձնական տարբերակ է, և հնարավոր են սխալներ ու խափանումներ։